Wenesh Naa Giweg?!
Nah! Ggii-noondwaag na? Gegoo gii-kidwag gondag mskwaadesiinyag. Mbe! Mii go miinwaa. Noondwaadaanig!
“Gwii-ni-maajiihoodemi na miinwaa? Maage gaawii? Gmaakpii sa aabdeg nwii-ni-giiwe, nwiijkiwenh. Nbaabiihig oodi nwiidgemaagan. Naa, e-bedooded?”
“Nishke! Nishke zhonda! Niizh mskwaadesiinyag! Wenesh naa giweg?!”
“Aapii-sh??”
“Zhonda gsha! Nbiing. Gaa na gwaabmaasiig?”
“Nbiing??”
“Enh. Shtaa-haa! Naasaab e-zhnaagziyang zhinaagziwag giweg! Naasaab go!”
“Nwiijkiwenh.”
“Enh. Gaawii n’debwetnziin maanda e-zhwebak! Naasaab go! Mii e-zhnaagziwaad, naa?”
“Nwiijkiwenh!”
“Enh? Wenesh?”
“Gaa gsha wii geyaabi niizh mskwaadesiinyag yaasiiwag oodi!”
“Gaawii?”
“Ggawaatebiishnimi gsha. Mii e-gnawaabndaman. Giinwi niinaa giweg! Gwaabndiz go megwaa.”
“Niin? Nwaabndiz na?”
“Mii niinaa e-ninaanh.”
“Oonh. Oonh, enh. Gegeti. Haaw. Haaw dash. Ni-giiwedaa dash.”
“Aa haaw. Ni-giiwedaa. Gegpii.”
(Nmaamiikwenmaag gondag e-bgidnin’jig maanda mzinchigan wii-waabndahweyaanh:
Turtles pseudemys rubriventris chrysemys picta picta by Byrne Bill, U.S. Fish and Wildlife Service)
Wenesh Naa Giweg?! (1 min. 37 sec.)