Wenesh Naa E-gnawaabndaman?
Wenesh! Wenesh naa e-gnawaabndaman?! Gegoo na temgad zhonda waa-yaaman?
Aaniin danaa.
Wiikaa na niin n’gii-bi-zhaa oodi giin endaayan wii-waawaabminaanh?
Gaa! Gaa gsha wiikaa daa-zhiwebsinoonh wi.
Aanii-sh dash enji-bi-waawaabmiyan zhonda endaayaanh ge-nii?
Shtaa-haa!
Nwiijkiwenh. Gegoo gga-wiindmoon. Weweni nme n’gichi-wiikjitoon wii-aawyaanh. N’di-nendam ge-nii. Weweni ge gwa n’gii-gkinoohmaagoog n’gitziimag, nookmisnaanig, miinwaa nmishoomsinaanig. Mii-sh enji-waawaabnjigeswaanh. Ggikendaan debaatamaanh?
Haaw. Mii go eta go waa-kidyaanh wi nikeyhiing.
Nahaaw. Ngoji aapdeg nwii-yaa. Nwiiji-nme n’ga-oo-nbwaachhaag.
Gnabaj sa ge-gii ngoji aapdeg gwii-ni-zhaa, naa? Naa?
Aa haaw, nwiijkiwenh. Baamaa naanaagaj.
(Nmaamiikwenmaag gondag e-bgidnin’jig maanda mzinchigan wii-waabndahweyaanh: Sturgeon fish professional underwater photography by U.S. Fish and Wildlife Service)
Wenesh Naa E-gnawaabndaman? (1 min. 4 sec.)