Min-mkedékéwen

Gche-gnwézh zhe gégoo é-ko-wzhebyé’man zhode. Ngom je ngi-néndem bgéji nda-wzhebyé’an.

‘Ode kwés iw se ngom nétem ga-mkedékéd zhode Bawtegog. Abte-gizheg gi-dzhetamged. Min-mkedékéwen zhenkadédeg.

Mégwé-dso bémadzejeg gi-yewig pi ga-gizhyéwinjen ni kwésen. Apje zhe gi-piténmegazo o kwés ngom! Mégwé-dso gé wgi-ajdan ga-gizh-mkedékéd bwa-mshe-wisneyag.

Apje zhe jayég ngom ga-dnekmegek ibe ngi-gche-néndemgon wéwéne. Ngi-wbéndemgon gé ézh-Neshnabéwadzeygon mégwa ginan Neshnabég. Mémdeg zhe ézh-nta-babapyegon mégwa!

Wwened zhe jayég ga-zhewébek ngom ibe.

Haw. Iw zhe mteno zhe wa-kedyan – épich-gche-piténmeg ‘ode kwés mine iw épich-gche-piténdeman Neshnabé é-yawyan.

Iw gwiyen ‘ode é-gi-wawidman. Mno-gizhgedkén! :)